L'opera

Apocalisse de s´ambiente. Sa crisi climàtica diventat semper prus grae: paret pròpiu chi s´Apocalisse si siat acurtziende, ma non devimus pèrdere su “printzìpiu (de) responsabilidade”, comente nos at racumandadu su filòsofu Hans Jonas e mescamente su “printzìpiu (de) isperàntzia” de un´àteru filòsofu, Ernst Bloch: lu devimus fàghere pro sos giòvanos. S´isperàntzia, difatis, benit oe dae cuddos chi sighint sa pelea de Greta Thunberg. Non bisòngiat isceti s´apensamentare de su riscaldamentu globale, de cale amus tratadu in sas intervistas a sos giòvanos de FfF, a s´ativista de su Comitadu “No metanu” Paola Pilisio e in s´introdutzione de Ninni Tedesco, ma bisòngiat indiritzare s´ograda cara a sa terra nostra, sa Sardigna e s´atuale cunditzione sua de perìgulu a càusa de sas atziones foressidas de sa classe polìtica chi nche guvernat in Regione. Sunt annos oramai chi s´ìsula nostra resurtat intre sas prus incuinadas de Itàlia...