L'opera

Custu progetu, deliberau de sa Giunta Comunali, est stau fatu arregistrendi in interbistas in sardu de 55 bècius de bidda (47 prusche-otantàrgius e finsas 10 prusche norantàrgius), chi ant contau is arregordus insoru asuba de maneras de nai, dìcius, cantzonis, cantzoneddas e mutetus, anninnias, cantus de traballu e de festa, atìtdus, giogus, contus de forredda o de fatus o personis connotas in bidda, pregadorias, nòminis de is logus e de sa genti, e de totu is ainas e maneras de fai acapiadas a is traballus de su connotu de sa genti de bidda. Su traballu de circa linguìstica-antropològica, chiau de su mogoresu Stafano Cherchi, chi at imbideau su progetu e pranificau is atividadis, dd´ant fatu una de is interbistas e agoa de sa trascridura, fatas de Genita Grussu, Giacomo Orrù e Lara Melis, chi ant finsas fatu fotografias e girau unus cantu vìdeus de is interbistas. Custu lìburu amostat su mellus de totu su materiali arregortu, partziu po argumentus (dònnia arrogheddu de interbist portat agoa su nòmini e s´edadi de s´interbisstau)